Hawaein (Poem)

Dheemi si, bhini si jo chal padi hai ye hawa

Na kisi mod ki ise khabar, na manzil ka koi pata

Khushboo ek saundhi se, lipatke apne saath

Is gehri bheed me bhi, thi alag usme kuch baat

Aankhon me thi jaise ab, ek alag si kashish

Dil me thi jagi, ek nayi chaah, ek nayi si khwaish

Dhunte chale hum, jaane kaisi ye diwangee

Na tha koi ishaara, bas wo mehek hi pechaan thi

Chudiyon ki wo khanak, udte un zulfon ke saath

Suraj ke kirnonsi khilti us hasi me, thi kuch to baat

Ankhon me ek masti si, kar de ghayal jo dil sabhi

Adaaon me hue jo guum, hua to pyaar fir abhi

Dekha jo mudkar, us muskurahat ka kya kehna

Na gam na shikwa, us pal me hi thame tha rehna

Beete kitne saal, aaj bhi dekh unhe ruk jaati saans

Thama saalon pehle jo haath, 

            Hai aaj bhi us pyaar ka ehsaas...