Saath (Poem)

 

Aakhein nam, gehraiyon me chupake apne gam

Aasuon ko apne rokti kyu hai ye bata
Beh gaye jo thode se, dil ka bojh hoga kam
Dard apna batati nahi, marham to tu bata

Chahe tu kuch kahe, chahe dabe rahe alfaaz
Nahi teri kisi bhi zaroorat se hame aitraaz
Saath khade hai tere, tu bas ye jaan le
Is khamoshi ko samajhte hai, bas ye maan le

Waqt ka kata badhta chalega, na rukta ye kabhi
Accha ya bura, aage chale, chod peeche sabhi
Fitrat nahi hai apni, dard me zindagi bitana
Beete lamhe chod, apne kal se hai haath milana

Hasi ko teri taras rahe hai mausam sabhi
Baadalon paar dikh jaye suraj jaise kabhi
Palkon ki kashish me dikhta badmast jahaan
Aasuon ke paar likh ek nayi khubsurat dastaan